اقوى عمل جهادي سواه سيد عمار الحكيم ( دام فيّهه ) لبس مرقط وعمامه لان حرام ايطلّع جلحته تلبية لفتوى المرجعيه وزرگ على اقرب معسكر تدريب ونيشن على الشاخص وبيييييييييييك ...  لاحه, . ...لاح الهدف ابخت جده ,صلو على محمد وال محمد ... منيشنچي , چا شعبالكم , سيد هاذ مو لعب چعاب.. چا داعش شيسوي بيهم اذا نيشن عليهم... الله وكبر , وبعد ان انهى مسيرته الجهاديه القاسيه في معسكر رشيد رجع ليتفرغ للعمل السياسي والتوعوي وملتقى النسوان للچذب والتصفيط الروزخوني .

وتره سماحته مجاهد منذ نعومة اصابعه الي چنه اصابع معلمه, وين شايف كرك قزمه,لو طاسة شبينتو ... وموهسه من زمان هو هيچ زلمه خشن وماينحط بالعب  صدگوني وسيد مالك , ومن كثر ماچان دمه حامي ايران بزعت وصاحت الداد من تكاليف جهاده بشوارع قم وطهران والبي ام دبليو تشرب البانزين شراب على گولة خضير الفيتر ولان خضير تيار سدري شرالسيد على الحبل من سمع بالسالفه.

وگبل جان عمه ايدزه ايلم تبرعات من الحسينيات باوربه وهاي الشغله خو مو سهله , عبالكم سهله لا والنجف تشلع الگلب ,وياخذ فليسات المغتربين الكمش وينطيهن لعمه ايوزعهن على اعضاء المجلس كاتعاب جهاد وصيانه البواسير,والفقره ربعنه اهناك گاضينه ثوابات بالحسينيات واطفالهم بدون مدارس ولو تصير بحزب لو بالمجلس لو يكتلك الجوع والقهر.

واحد من ربعنه بالبصره وهسه هم تيار سدري بس منفتح على جميع الجهله والخارجين عن ولاية مقتدى حبيبي ,ايگول ايام الانتفاضة الشعبانيه عبرنه ليران نطلب دعم من المجلس الاعلى واستقبلنه سماحة القائد الزغير لان الكبار مافارغين  للمعدان, بس وكت الخمس والزكاة والتبرعات ,وره ساعه ياله اجانه ومن سولفناله عن وضعنه بالبصره ومحتاجين سلاح وعتاد ودعم عسكري , ايكَول ظل ايعتعت  ويجيبه مناه ويحطه مناه وبعدين وعدنه بلوري تفاح  دبل قماره ,انوزعه على المجاهدين,  ايگول التفتت لاخوي وگتله امشينه خويه امشينه , احنه انريد سلاح وهذا يحچيلنه عالتفاح

هسه صاحبنه المجاهد الصدگ رجع للعراق عطال بطال وسماحة ابو التفاح, خمط المجلس بخويطه والجادريه ونص النجف وارتاح... وانوب هز ذيله على زعامة التحالف ,ماكو زلم شحت بينه ,اي هم حگه لان من شروط زعامة المعدان وقطيع الغمان ايكون سيد وابن سيد وابن علويه, يعني مصلصل من عمه وخاله وكون حلو ايخبل وخوش ايشربت على القشامر وعده مقبوليه گشره, وشرط مابيه اصول شروگيه والا ماترهم القضيه وتصير بيه  اشكاليه شرعيه معلانه.

ابو مهدي لعب بيهه وشله
ولفلفهه خزينتنه وشله
جيوب الفقره خمخمهه وشله
وجابلنه الدثو عادل زويه

يله ولا يهمكم اخوتي الله موجود ويصمطهم صمط يوم القيامه شكو مستعجلين, وخلي ايفيده كرندايزر جبر متعدد المواهب, هيه هاي سنة الحياة وشعيته ,وقانون الدنيه وحكمته, اليقبل بيهه من العقلاء المنبطوحين والمايقبل ايطبه حريشي ومن المأزومين على گولة الناطق اللوگي فصيح ابو فج ....جا ليش سموهه حكومة مقبوليه , لازم نقبل بكل جذبهم ونفخهم .... وكلمن ابوه بگال ايصير بگال ,وكلمن ابو فايخ لازم ايفوخ حيل وكلمن ابوه شهيد لازم هم يستشهد وكلمن ابوه قائد لوعمه ايصير سماحة ابو التفاح الحكيم.


فرحان العراقي