لنفس الكاتب
أخر مانشر
الأكثر قراءة
يوم
اسبوع
شهر
شعر غنائي.. مدري شوصفك يا ترف
الأحد 18 أكتوبر / تشرين الأول 2020 - 19:11
يبو تواليت وامشـَّط صفح – والبكله چن لون الذهب
هيمان بعيونك سحر – واسهامك اتصيب الگلب
لو عض على الشفه وفر - دم الورد ع الخد لهب
بجبينك ايهل الگمر – بالروح نيران اوتشب
دلوع تتمايل غوه - يالمايع اميوع الرطب
البحه وابصوتك غنج - بلبل غرد حچيك عذب
الوانك البحر اوسمه – بعيونك الكلهن عتب
محله الجفن ما ينوصف - غار الكحل من الهدب
امطرزعلى اذراعك وشم – من الحسد چن منكتب
مدري شوصفك يا ترف - قداح من تمشي بالدرب
بعيونك اوترمي السهم – جرحين صارن بالگلب
طاير على اجناح الهوى – واليوصل الحدك صعب
هنياله لبحبك حضه – يا تين وايباهي العنب
يبو تواليت وامشـَّط صفح – والبكله چن لون الذهب
16/تشرين الأول/2020
ســــــــــــــــــــــتوكهولم
© 2005 - 2024 Copyrights akhbaar.org all right reserved
Designed by Ayoub media