ميسون نعيم الرومي: مَحـْـلـَه دلال البيه

» ثقافة وأدب

لنفس الكاتب

أخر مانشر

الأكثر قراءة

يوم اسبوع شهر

مَحـْـلـَه دلال البيه

الجمعة 10 مايو / أيار 2019 - 12:48

ميسون نعيم الرومي

رمشك سـِـحـِـر يتغاوه كحل الليل

نجمات الزِلِف وامطـَرّزه الخدين

بهلال السـِمه .. يتغزل العشاگ

وجهك بدر.. موشـــوم بهلالين

حرت..لعيون الشِعـِر الهـَه ايلوگ

قيس ابسحرهن ! هام من سنين

شوف البلابل خجلانه سكتت ليش؟

صوت الربابه اوعود..من يحچي تلاحين

مـَرّ عـَـدَّه ابعجل يتباهه بين اغصان

مايع يالرطب.. بالحسن طعم التين

مثل نـَـسمة سـَـحـَـر مَحـْـلـَه دلال البيه

بغدادي اوحلو .. يالماشي گلـّي الوين؟

چـَـن ماي الفرات اودجله وي الهور

ناثر گذلته .. والشـَـعـَـر ع المتنين

أسمر چـَـن حـِلم واعيونه خجلانات

معـَـدَّل يا ترف .. ريحة بسـاتين

يا حيف الغدر خـِصله اوتـِـرَبـَّـت بيه

ينكـر عـِشـرتـَه ! أيامه ويـّه ســنين

روح ابطريقك .. واتعده غاد ابعيد

دمعة چـذب .. تـنـداف ويـّه الطين

تـنـداف ويـّه الطين

آيار / 2019
ســـــــــــتوكهولم