ثقافة وأدب

رشحوني الف رحمه اعله  طاهركم بس   اني  بقيت    بلا    شغل  ولكم وروح  اعناد   اشيل  وما   اظل  يمكم واخليكم     تره    ابحسرت     الزوريه +     +      +    +        + جماله  اتكول  ابني  البلد  باسبوعين بس  كون المقاول رجلي حجي صحين امين     وعادل     ويلفطله     مليونين اذا       ينطوه         مليونين     وشويه +    +     +     +        + ازينه  احواف لليعترض عالاعلام واتظل  حرة  عدنه    شتكتب   الاقلام اكتبو وسطرو  عالوادم  حجي   وافلام بس    والله      اليكول    اجما   حماميه +    +    +     +    +      + املك    بالتجارة الخبرة عشر اسنين وشهادة  من  الهند والثانية  امن  الصين دكتوراه    بعلم     السمج      والكركين ويسموني          المرأة          الفضائيه +    +      +       +         +-   من كلشي وكلاشي الحصة اسويهه كباب وتكة   ومطبك   احط   بيهه وصواني  الباجة  والتشريب   اخليهه صينية    الصبح    والعصر    صينيه +     +    +     +      +    + اوقع  الكم اجره امن اذنه  الستقرار واستورد  قطط    تاكل  جميع  الفار واليبوك    البلد  ما  يبقه    ابد  بالدار اذا  ما  ينطي  حصتي  العشرة   بالميه   +    +      +     +     +   + ما  تلكون نايب  مثلي  والعباس ما اخليلكم   واحد   يطكه   افلاس واخذكم   شهر   بغداد   الى  فيكاس امرادح    للصبح      دكن     يرجليه +     +     +     +        + جا ظلت  علي اتكول  بالترشيح شيريد السياسي  غير  بس تصريح بدل [ هذا السمج تازة ] نظل  انصيح وانصرح    النائب     يا شعب    هيه        +     +    +    +        + راحت تشتكي ومرت على التخطيط وكالتله  حجيكم     ياوزير   اخريط سوك   امريدي   وجماله   بلا   تبليط واتصرح      المنجز     الف     بالميه +    +    +    +     +   + من اليوم  اتعدل  واصيرن  شيك والوادم  اتصيح  امنين   هذا الكيك واليحاول ابجلمة  اوياي   اكله اشبيك ما  شايف     مدام     انت     استراليه   +      +     +     +      + لليابان راحت  قابلت  لي هاو ولكم  كالهه  وردت عليه شنهاو انه  اجمالة  بت  اجريو  ابن حنتاو اعرف  زين   يا شن    يبن   شنهيه +     +      +      +        +
اليه  بكل شهر كالو  عشر  سفرات واخذكم    وره   الخالات   والعمات واظن  امن   الحكومة   كل  الفليسات البلد   زنكين   ما    تخلص    مصاريه +      +   +    +    + جماله  اتكول  احبنهم  اوي  الكتاب الشايب  مثل  جدي  ومثل عمي الثاب لكن  في  الحقيقة   انه   اكره   الجذاب الما    يذكر    جمالي     الميه    بالميه +      +    +    +    +   + من  اليوم  اجيب  الكهرباء  والماي والكيك  اللذيذ  امن  الصبح  والجاي واتكلم   هلو   ماي   كاد   او    بيباي ماي    افريند    ويتن     يا      افنديه  +     +     +    +      + اتكول  الخاوي  والداوي  ولا باره شماله   ايسوتل  ايغني  طرا الطاره وروح   اجميغ    الما   يكعد   ابداره اطكه     اطراك     اودرله     محاريه +   +   +    +     +     + صدك من  كال عدنه  اليوم  حريه جماله  ام  السمج  صارت سياسيه